نُشرت في ٥ سبتمبر ٢٠٢٦
يووه هاللعبة عندي لها مشاعر متناقضة.. ومع ذلك ما أقدر أنكر قد ايش أحبها، وأنا أصلًا متحيزة لها بحكم حبي للجزء الأول ولإيلي وجول مشكلتي مع موت جول وطريقة إيلي وهي تتعامل مع الفقد، والتحول اللي يصير لها طول اللعبة.. كل هذا كان مؤلم، وبنفس الوقت النقله اللي صارت باللعبة سيئة سيئة بالنسبة لي بحكم إني داخلة عليها ومتعلقة فيهم من سنين!! سووا لي قصة انتقام بس مو بهالغباء!! أكثر شيء غثني بخصوص جول مو مجرد إني زعلت من موته، اللي قهرني كيف أخذوا شخصيتي المفضلة ودمروها كتابيًا بهالشكل الخايس ويعتبر ظلم للشخصية اللي بنوها لنا بالجزء الأول، خصوصًا بالطريقة اللي اختاروا ينهون فيها قصته وبالبساطة اللي أنهوا فيها شخصيته، أتفهم ليه صار اللي صار لكن هذا ما يعني إني مقتنعة بالطريقة اللي كتبوا نهايته فيها وبرضو ما راح أكذب وأقول إن كل شيء فيها مثالي بحكم إني أحبها لكن الأجندات خسفت بالتقييم فوق إنهم دمروا بعض شخصياتنا، وفعلاً أثرت على التجربه لكن هذا كله ما خلاني أكرهها، أخذت منها التجربة الحلوة وتركت السيئة، اللي شفع لها تفاصيل العالم وأسلوب القتال الممتع للأمانه وللآن مافي لعبه تتفوق عليهم بهالشي.. وفيه نقطة مهمة للإنصاف، يمكن لو لعبتها بدون علاقتي بالجزء الأول أو لو ما كنت حابته، كان حكمي بيكون مختلف، لكن أنا دخلت الجزء الثاني وأنا أصلًا متعلقة بهالشخصيات ومصيرهم وهذا الشيء أكيد أثر على تجربتي، بالنهاية أقدر أنتقدها بكل شيء ما عجبني فيها، وأقول إنها ظلمت شخصيات أحبها، وبنفس الوقت أقول إني أحبها وهذا يمكن أكثر شيء يختصر علاقتي فيها.. idc what anyone says this game has a special place in my heart🥲
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.