نُشرت في ١٩ أغسطس ٢٠٢٦
اوكي بلود بورن كانت اول لعبة سولز العبها بحياتي لعبتها اول مرة 2021 وانا ما اعرف شي اسمه سولز وكنت مصدوم بصراحة كانت تجربة جديدة عن الالعاب الي اعرفها ومن الذهول الي بيه كملت 15 ساعة باللعبة وانا اموت واعيد وما اعرف شنو اسوي حرفيًا 15 ساعة وانا ب سينچرال يارنام بس بعدها تركت اللعبة ولعبت ايلدن 2023 ك اول لعبة سولز اختمها ودارك سولز 3 ب2024 ورجعت لبلود بورن في 2025 بالبداية اجواء اللعبة ممتازة ورهيبة جدًا السواد والكئابة والعالم شب جدًا ممتاز اول منطقة وهي سينچرال يارنام كانت افضل منطقة باللعبة كلها من تصميمها واستكشافها شي يعني Peak بعدها منطقة الكاثيدرال وارد وهي ثاني احسن منطقة باللعبة ايضًا تصميم رهيب واستكشاف رهيب والي من عدها راح تروح لثلاث مناطق وهي يارنام القديمة والي هي ثالث افضل منطقة باللعبة ايضًا تصميم رهيب واستكشاف رهيب وراح تروح منطقة يمكن اسمها هيمويك منطقة جدًا ميد والمنطقة الرئيسية الي هي الفوربيدن وودس والي هي اسوا منطقة باللعبة كلها تصميم سيء مقبول كحد اقصى وماتعرف وين الطريق والاستكشاف سيء للاسف بعد عالسوء راح تروح لمكتبة والي هي منطقة صغيرة تخلصها وراح تروح ل ياهاراغول القرية المنسية والي ايضا منطقة تصميمها مقبول كحد اقصى واستكشافها شوي مقبول تخلصها وتروح ل نايت مير اوف مينسيس منطقة عادية بس استكشافها شوي جيد بعدها تروح للبوس الاخير في الهنترز دريم وتختار تقاتله او لا وجاييله قريب عندك منطقة قلعة كينهيرست رابع احسن منطقة باللعبة ويمكن الثالثة والثانية واسطورية جدًا وفوق هذا كله جانبية وسرية جدًا البوسز نقطة ضعف باللعبة للاسف اول بوشس جانبي الكليرك بيسات كان جيد بس مع الارينا صار عادي اول بوس رئيسي فاذر كاسكوين كان جيد جدًا الفيز الثاني شوي عادي ب اولد يارنام عندك بلود ستارفيد بيست كان ميد وعندك بهيمويك الحجية بوس سيء وعندك بالكاثيدرال وورد وهو البوس الرئيسي فيكر اميليا بوس جيد فوربيدن وودس عندك الثلاثي المرح ظلال يارنام بوس مقبول بعدها نواجه روم بوس اقل من ميد بعدها الون ريبورن بياهاراغول وهو اسوا بوس باللعبة كلها وعندك بوس جانبي كلب كهربائي تمنيت لو كان هو الرئيسي لانه مقبول عالاقل نروح ل نايتمير اوف مينسيس والبوس هو ميكولاش والي نلعب وياه توم وجيري بوس اقل من ميد نكمل ونوصل ل ميرغوس ويت نيرس بوس مقبول بوس اميغدالا جانبي كان اقل سيء وبوسين جانبيين ايضًا سيئين نوصل للبوس الاخير جيرمان الصياد الاول والي كان بوس عظيم عظيم عظيم جدًا قتاله اسطوري وساحة القتال اسطورية اكثر واللور رهيب بوس متكامل حرفيًا والي ايضًا اختياري يعتمد عالنهاية هل راح تخليه يقتلك او تقتله انت اذا قتلك راح تحصل النهاية السعيدة اذا قتلته راح تحصل نهاية ثانية واكو بوس سري بعدع ايضًا اسمه المون برينسيس والي كان جيد وحتى ما انسى بوس قلعة كينهيرست كان جيد جدًا بس ساحة القتال مو بالمستوى الاسلحة كانت قليلة بس مو مشكلة لان كل سلاح له شكلين والي هو شي رهيب وعندك مسدسات تسوي بيها باري يعني مقبول الي احبه ببلود بورن انها افضل لعبة قدمت ترابط بالعالم بعد دارك سولز 1 وهالشي يخليني اقدرها اكثر طبعًا القصة كانت رهيبة وجميلة وماريد احرقها لازم انت تعرفها سواء يوتيوب او انت تقرا وتفهم وسلبيات اللعبة البوسز والمناطق ينحدر مستواها تدريجيًا بس هل يعني اللعبة سيئة؟ ابدًا لان تقييمي لبلود بورن هو: ممتارة/10 وعندك الاضافة قدمت مناطق رهيبة وتصميمها واستكشافها رهيب وبوسز رهيبين ماعدا لورانس كان ميد وليفينگ فيلرز فشل حي فعلًا عندك لودويك جيد جدًا ليدي ماريا ممتازة واورفن اوف كوس رهيب تقييمي للعبة ممتازة يشمل اللعبة والاضافة كانت تجربة جدًا جميلة انصح الكل بيها اللعبة بيها موسيقى لو تريد تلعبها بعد مراجعتي انا اخلي مسئوليتي وتقييم الموسيقى هذا للصوتيات بشكل عام
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.