نُشرت في ٨ سبتمبر ٢٠٢٦
١٠بس بعطيكم فكرة لأي درجة كانت رهيبة، ختمتها وعلى طول New Game ورجعت ختمتها مرا ثانية. مدري ايش ابدا فيه اتكلم عن تنوع المراحل والأعداء والزعماء، تنوع مجنون وأفكار جديدة كثير تنحط لك طول اللعبة، تحسها مشبعة بالمحتوى حرفيًا. واضح قد ايش اللعبة متعوب عليها. اللعبة فيها ثلاث مراحل، وكل مرحلة لها جوها وفايبها المختلف القرية: من أول ما تبدأ وأنت داخل جو خريفي كئيب، بيوت ريفية وغابات وضباب، وتحس المكان معزول تمامًا عن العالم. بس أكثر شيء مستحيل أنساه هو جو المطر بالليل كان يجننننن. من أجمل الأجواء اللي مرت علي في لعبة، خصوصًا مع الإضاءة والصوت وكل شيء حولك. 🏰 القلعة: أحلى مرحلة بالنسبة لي، مستحيل جمالها. ضخمة بشكل مبهر، وطريقة تصميمها شيء ثاني تمامًا، من شكل الممرات والقاعات إلى التماثيل والديكورات والتفاصيل الصغيرة. فيه مكان السيب اللي فيه تماثيل فيها مجوهرات والستاير يحركها الهوا، ياخي المكان هذا يجنننن. القلعة من جد شيء مبهر من ناحية التصميم. 🗻 الجزيرة: هنا اللعبة تصير أكشن أكثر، جنود وأسلحة وتجارب ومختبرات، وتحس الفايب تغير تمامًا عن القرية والقلعة. فايت Krauser كان صعب اللفف. والمعمل كان رهيب له جو خاص خصوصًا مع الفحيح صوته لحاله رعب. والتنوع في الجزيرة مرة حلو، كل شوي يحطون لك شيء مختلف وأماكن مختلفة واحس كان اطول جزء. الشخصيات بشكل عام رهيبة. Luis كان رهيب جدًا، بس الصدق الريميك كان أفضل بمراحل. التاجر أسطورة، من الشخصيات اللي مستحيل تنساها بعالم الألعاب. ليون أكيد رهيب، وش بقول عنه يعني؟ شكله هنا وشخصيته أفضل من الريميك بمراحل. اشلي غثيثه هنا اكثر من الريميك وما تسكت بلحطيه وAda… OMG. سيكسيييي، أموت عليها تجنن بشكل مو طبيعي، وهنا بالنسبة لي أجمل من الريميك بكثير. وبرضو لعبت Separate Ways وختمتها، وحسيتها شوي أصعب من اللعبة الأصلية، بس انبسطت عليها مررره. ما أقول عن اللعبة إلا إنها أعظم ما صنعت كابكوم. كان عندك سوني 2 وانت صغير أكيد Resident Evil 4 كانت بين الأشرطة. لعبة عظيمة من جميع النواحي، صح غيروا مفهوم السلسلة الأصلي ومو هذا النوع اللي أفضله بالألعاب، بس تبقى لعبة أسطورية ولها وزنها بالصناعة. 10/10
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.