نُشرت في ٦ سبتمبر ٢٠٢٦
٢من أفضل العاب البقاء اللي لعبتها. الي فاجئني اننا حطينا فيها 100 ساعة وقت الوصول المبكر، ولما صارت كاملة رجعنا بنفس القروب حطينا فيها 100 ساعة ثانية بدون اي ملل.. الفرق ملحوظ جدًا بين النسختين، كيف تغيرت اللعبة، الأشياء اللي انضافت، كيف تطورت الأنظمة اللي كنا نعرفها من قبل وفعلًا صارت لعبة كاملة .. واللي يعجبني إنها ما تسوي شيء فريد فعلًا، هي ماخذة مرجع من أشياء كثيرة، لكن كل شيء أخذته و استلهمته قدرت تجمعه مع بعض بشكل متناغم و مسبب للإدمان والنتيجة لعبة بقاء فيها أكثر من 200 بال، ومليانة تفاصيل وتنوع؛ مناطق وبيئات مختلفة، جزر، قواعد ، وتصميم فني جميل ومميز، وكل منطقة لها طابعها الخاص وكل ما جربت جانب ثاني من اللعبة كنت القى شيء ممتع؛ التصنيع، البناء، الدناجن، الزعماء، التزاوج، وغيرها كثير، كل نظام تقريبًا يخليك حاب تكمل .. أما الشيء السيئ فعلًا بالنسبة لي فهو جزء من القتال، شخصيتك ما تسوي ضرر كبير، معتمد على البالز اغلب الوقت، وأحيانًا هم أغبياء بشكل مستفز؛ يضيعون الهجمات ويسوون اللي يبغونه ، غير كذا حلوة و سهلة الفهم للجدد على هذا النوع ، قفلتها اخيرا بعد ما مسحتها مسح و استكشفت كل شبر فيها ..
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.