نُشرت في ١٨ سبتمبر ٢٠٢٦
٦قسم بالله اللعبة تاريخية بشكل مب طبيعي، من اول ما تدخل عالمها تحس انك داخل فلم ساموراي بس أنت اللي تتحكم فيه تبيها من جمالية العالم؟ مناظر الجزيرة، الألوان، الطبيعة، وكل زاوية باللعبة تحسها مرسومة بعناية ولا تبيها من أسلوب اللعب؟ القتال بالسيف، التوقيت، الصدات والهجمات كلها تعطيك إحساس إنك ساموراي حقيقي اللعبة مو بس شكلها حلو، حتى قصتها وأجواءها تخليك تعيش فترة تاريخية كاملة، تحس بمعاناة الساموراي والصراع بين الشرف والبقاء كل مهمة وكل مواجهة لها طابعها، وما تحس انك تلعب شيء مكرر حرفيًا شيء مختلف أكثر شيء عجبني فيها إن عالمها مفتوح بس فاضي نوعاً ما، كل مكان فيه شيء يخليك تستكشف، سواء مناظر، قصص جانبية اللعبة تعطيك هدوء وجمال وفي نفس الوقت تعطيك حماس وقت القتال قسم بالله هذي من الألعاب اللي بتكون من النوع اللي ترجع لها كل ما طفشت من العاب الكومب، لأن فيها شيء مميز ما تحصل عليه كثير لعبة تخليك تستمتع حتى وانت بس تمشي وتطالع العالم حولك، تجربة ساموراي كاملة بكل معنى الكلمة تعمدت اخلي المراجعة طويلة لانها فعلاً "تستحق" كل كلمة “This game is peak”
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.