نُشرت في ١١ سبتمبر ٢٠٢٦
٧يابشر هذي قصة لعبة؟ والله مستحيل لعبة قصتها كذا انا ماقد ختمت العاب وكنت فاهم قصصها كنت العب عشان العب بس مافهم القصة كذا لعبي من يوم كنت بزر وحتى الجزء ذا لعبته اول مانزل على نسخة الفور وماكنت فاهم شيء بس اقاتل واسكب للقطات وقررت اني ابدا عالم الالعاب ببطل طفولتي اللي مختم كل افلامه سبايدمان وياهي كانت تجربة استثنائية قيم بلاي تاريخي قصة عظيمة ابي اتكلم عن القصة اكثر لانها افضل شيء في اللعبة القصة اللي انطرحت هنا افضل قصة في عالم سبايدرمان افضل من كل قصص افلامه والله مابالغ قصة عظيمة عظيمة قسم بالله الكتابة باللعبة ذي تاريخية مستحيل على تعدد الشخصيات الا ان كل شخصية افضل من الثانية وكل شخصية وقصتها وماتدري انت توقف بصف من عن نفسي انا كنت بصف مارتن لي ودكتور اوكتوفيوس الفيلنز ذولا تعاطفت معهم وكنت ابيهم ينتقمون من النكرة نورمان اللي سواه لهم لايغتفر والجميل بالقصة ان الاشرار ماكانو سطحيين بالعكس ممكن كتابة مارتن لي افضل من البطل نفسه وممكن انا اشوف كتابة شخصية مارتن لي توب 10 فيلنز في التاريخ سواءً مسلسلات او افلام مارتن لي يخش القائمة انا لو اتكلم عن كل الشخصيات مابخلص والله كل شخصية افضل من الثانية ودي اتكلم عن كل شخصية واعطيها حقها لكن بطول لكن من الشخصيات اللي اثرت فيني والله ودمعت منها العمة ماي فكرة انك يابيتر تختار بين امرين الامر الاول انك تنقذ عمتك ويموتون البقية ولا تضحي بعمتك لاجل البقية اهخخخخ ياعظمتك ياسبايدرمان والله شيء نظيييف حرام ينظلم ويكون لعبة مفروض القصة ذي في مسلسل قصير ابو عشر حلقات اهخ بس شيء عاجبني بعد في القصة اللي هي طريقة بناء مايلز والله صدق اعجبتني كيف العنكبوت وصل له من ماري جين من برج اوسكارب وهو معها لين وصل لمايلز وقرصه وبعدها تنتهي اللعبة وحذفتها طبعًا مالعبت المهام الجانبية والحين قاعدة تتحمل سبايدرمان مايلز اتمنى تكون نفس عظمة الجزء الاول او افضل منه مع اني ماتوقع بس ان شاءالله يكون جزء حلو
تفاصيل التقييم
خلّ لتجاربك في الألعاب مكانًا يليق بها.
Lootd يساعدك تتذكر ما لعبت، وما أحببت، وما يستحق أنك ترجع له لاحقًا.