Beholder: Conductor

أنا أحب هالسلسلة وفكرتها، ولعبت أغلب الأجزاء، وكل جزء يعجبني فيه إنه يقدم فكرة مختلفة عن الثاني و ترا فيه ربط بالقصة بينهم لو يهمك ، دورك دائمًا أكبر من مجرد تنفيذ وظيفتك، هنا أنت مسؤول عن عربة في القطار، لكنك فعليًا جزء من منظومة الدولة؛ تراقب الركاب، تفتشهم، ترفع التقارير عنهم، وتتدخل في حياتهم، ومع إثبات ولائك للوزارة تبدأ تتعامل مع أمور أكبر. وهذا بالضبط اللي أحبه في السلسلة؛ تخليك بين إنك تكون الموظف المثالي اللي ينفذ كل شيء مطلوب منه ويحافظ على ولائه، أو تبدأ تتغاضى عن بعض الأمور وتحاول تحافظ على علاقاتك وعلى جانبك الإنساني وتعاطفك مع الناس، وأحيانًا تكون مضطر تخسر من ولائك عشان تساعد نفسك أو شخص، وهنا فعلًا كنت محتارة بين إني أبلغ وألتزم بالقوانين، وبين إني أحافظ على بعض العلاقات وأساعد الناس، اللعبة تخليك تحس إن البلاغ هو الشيء الصحيح اللي المفروض تسويه، لكن مو دائمًا يكون كذلك، وقراراتك مو كلها لها إجابة واضحة أو مريحة.

Subratings