Control Resonant

أنا للحين مو مستوعب كيف هذي اللعبة سعرها 55 دولار فقط ، جودتها تتفوق على اغلب العاب وقتنا الحالي ، أستوديو ريمدي مستحيل يخذلني بتقديم عالم ساحر وقصص وشخصيات رهيبة مهما تكلمت ومدحت هذا الاستوديو مستحيل أوفيه حقه حرفياً هذا الاستوديو الي تقدر تقول عنه ان العابه فعلاً من أجل الاعبين . من أكثر الأشياء الي حبيتها بهذا الجزء انهم اختارو بطل مختلف والي هو شخصية ديلان ، شخصية تحسها بسيطة ولكن بكل أمانة ممكن من افضل الشخصيات الي كتبتها ريمدي لنا خلف الهدوء الي يتملكه هذا شخصية كئيبة ومكسوره بسبب الماضي القاسي الي عاشه ، اللعبة تأخذك في رحلة بناء شخصية ممتازة من بداية اللعبة بتحس ديلان خايف وجبان إلى ان توصل لنهاية اللعبة وراح تشوف التغيير الكبير الي يصير بهذي الشخصية وهذي احد اكثر الأشياء الي حبيتها باللعبة عالم اللعبة مذهل ما اعتقد شفت تصميم عالم بهذي السنة قادر يتفوق على هذي اللعبة تنوع المناطق وجانب الاستكشاف كلها ممتازة باللعبة اما بنتكلم عن القيمبلاي ف اعتقد هذا بدون نقاش ان افضل ما قدمت لنا ريمدي طوال مسيرتها. ، أسلوب قتال سلس وممتع وفيه تنوع بالأساليب وكاول لعبة عالم مفتوح يقدمها لنا الاستوديو ف هو نجح ،بكل المقاييس ، القصة بكل أمانة قدرت تشدني من البداية إلى النهاية وهذا الشيء راح تلاحظه باغلب ألعابهم طريقة سرد القصص عندهم صعب تلاقيها بأي استوديو أخر وهذا احد الأسباب الي مخلي الاستوديو هذا مميز عن باقي الاستوديوهات دائماً ما يحاول تقديم شيء جديد ومختلف حتى قصصهم الجانبية يبذلون عليها شغل مو مجرد تسليك عشان زيادة مدة اللعبة أيضاً الأنشطة الجانبية استمتعت فيها بالذات حقت التاكسي كانت ممتعة مجملاً وحده من افضل عناوين هذي السنة بدون شك واتمنى تاخذ جوائز بحفل لعبة السنة لان الشغل هذا لازم يتم تكريمه وعندي أمنية اتمنى إذا تم إعطاء الضوء الأخضر للجزء الثالث نشوف بطولة مشتركة بين ديلان وجيسي ويمدينا نلعب فيهم اثنينهم راح يكون شيء خيالي عموماً لعبة ممتازة وتستاهل 9/10