Marvel's Spider-Man 2

لعبة فوق المستوى اللي توقعته، وكانت قريبة جدا من مستوى الجزء الأول، ويمكن في بعض الأشياء حتى أفضل منه قبل ما أبدأ اللعبة كنت متوقع القصة تكون سيئة جدًا بسبب الكلام اللي شفته عنها، لكن بعد ما خلصتها أشوف إن القصة جيدة جدًا، ومشكلتها الأساسية بالنسبة لي كانت في طريقة تقديمها والتسرع في الأحداث أكثر حاجة عجبتني إن كل شخصية تقريبًا عندها صراع خاص فيها مايلز يحاول يتخطى وفاة أبوه ويتعلم يسامح مارتن لي، هاري يحاول يثبت نفسه ويتعامل مع علاقته بأبوه وأصحابه، وبيتر لسه يحاول يتخطى موت عمته ومشاكل حياته المتراكمة لكن من بعد ما أخذ بيتر السيمبيوت حسيت إن الأحداث بدأت تجري بسرعة القصة فيها أفكار وشخصيات كثيرة وكنت أتمنى اللعبة تعطيها وقت أطول خصوصًا علاقة بيتر وهاري قبل تحوله الى فينوم أما أسلوب اللعب في اللعبة ممتاز جدا التنقل في نيويورك من أمتع الأشياء في اللعبة، والـWeb Wings وسرعته خلت الحركة ممتعة لدرجة مرات اشغل اللعبة بس عشانه بدون ما العب القصة والقتال تطور بشكل ممتاز وحبيت انه قللوا ال gadgets عشان يكون القتال ممتع اكثر من مجرد سبام أدوات المحتوى الجانبي بالنسبة لي كان ضعيف شوية فيه مهمات حلوة جدا لكن فيه أشياء كثيرة حسيتها متكررة وتجيب الملل ومع قرب نهاية القصة صرت اعملها عشان اخلص اللعبة بس أكبر سلبيتين عندي التسرع في القصة خصوصًا في الجزء الأخير و مهمات MJ اللي ما كنت مستمتع فيها بنفس مستوى باقي اللعبة بشكل عام Spider-Man 2 كانت تجربة شبه ممتازة جدًا وأفضل من اللي كنت متوقعه ما لعبة كاملة والقصة ما وصلت عندي لقوة الجزء الأول لكن من ناحية المتعة وأسلوب اللعب والتنقل كانت من أفضل التجارب اللي لعبتها في حياتي

Subratings