Senua's Saga: Hellblade II

حبيت اتكلم عن تحفة فنيه وواحده من أفضل الألعاب السينمائية الثريلر والرعب النفسي لعبة سينمائية ممتازه بكل تفاصيلها، تبي تحل ألغاز، تبي تسمع موسيقى حلوه، تبي إخراج رهيب، تبي سينماتوغرافي رهيب، تبي جرعة أكشن، تبي تعيش في عصر الفايكنج تبي دم وتقطيع، تبي تمثيل رهيب، تبي تشوف شخصيات سايكو، تبي تشوف شخصيات رهيبة، اذا تبي تشوف كل اللي قلته العب ذي اللعبه. طبعا ما احكيلم عن شخصية سينوا اللي الكل حبها من الجزء الأول وتعلق معاها وتمثيل ميلينا يورغنس الممثلة اللي لعبت دور سينوا الصراحه لو كانت لعبة Hellblade فيلم كان الممثلة ترشحت للأوسكار. نجي من ناحية الجرافيكس اللي هو أفضل جرافيكس ممكن تشوفه في لعبة واللي مافيه عيب ابدا او قلتشات بالنسبه للعبة ما لها الا ٣ ايام نازله. من ناحية الإخراج والسينماتوغرافي كنت مررررره مستمتع لاني احب الأفلام ومتابع كبير لها وجت ذي اللعبه وجابت إخراج وسينماتوغرافي اسطوري، فيه شي حبيته مره واهني نينجا ثيوري عليه هو أن اللعبة كاملة لقطة وحده (One take) او (one continuous shot) يعني اللعبه كاملة تم تصويرها في لقطة واحدة بواسطة كاميرا واحدة، أو تم تصنيعها لإعطاء الانطباع بأنه اللعبه كامله لقطة واحدة. من ناحية الموسيقى فهي مره اسطوريه وتخلي اللعبه أجمل واجمل. القيمبلاي رهيب وما فيه تعقيدات، القتال مره مره مره رهيب ويطول شوي وهذا شي حبيته عشان حاجز الملل ينكسر عندك وما احكيلكم عن التفنيش آخخ بس، طبعا تقدر تغير مستوى صعوبة القتال في أي وقت، ما شفت ولا قلتش واحد في اللعبه وفي القيمبلاي، لكن ما عندك الا سلاح واحد فقط وما فيه وحوش خياليين تقاتلهم زي الجزء الأول واللي زعلني شوي، أما بالنسبة للألغاز ففيها تكرار وتمطيط واضح وتخلي اللغز يطول وهو مره بسيط. التقييم: 9/10