Silver Pines

تقييمي للعبة 8.5/10 ------------------------------- اول ما شفت العروض للعبة والتوجه الفني حقها اشتريتها بدون تردد وكانت مفاجأة بهذه السنة -قصة اللعبة مثيرة للاهتمام وكانت جميلة، تبدأ رحلتك فيها مليئة بالتساؤلات ومع تقدمك تحصل على إجابات بشكل ممتاز، لكن كنت أتمنى أن بعض الأشياء اللي كنت مهتم فيها جدًا احصل على إجابات أو توضيحات أكثر لكن مجملًا استمتعت بالقصة. -التوجه الفني باللعبة رائعة واللي قدمت توجه 2.5D واللي حبيتها بلعبة (REPLACED) لكن هذي المره سيلفر باينز قدمت تجربة افضل وخصوصًا على تصنيفها ميترويدفينيا ، واللعبة دمجت بين ريزدنت ايفل و سايلنت هيل وابدعوا فيها . -الرعب كان عادي وماهو الرعب اللي يخليك تخاف وتتوتر ،واللعبة مليئة بالجامب سكير وكانت موزونة وتعرف متى تفجعك وماهي فجعات الرخيصة مثل اغلب الالعاب . -الصوتيات باللعبة رائعة من اصوات اعداء او الاجواء ، وصوت الشخصيات و الموسيقى كانت جميلة. -القيمبلاي: قدمت تجربة قيمبلاي جميل وبسيط ، القتالات بالاسلحة ممتعة وفكرة التعشيق اعجبني جدًا واللي خلى متى تفكر تعشق السلاح وقت المواجهات ، القتالات اليدوية جيده وتحتاج توزن القتال افضل . -الاستكشاف ممتع واللعبة تخليك تستكشف بشكل ممتاز وتضطر تستكشف لأنك تحتاج موارد مثل الرصاصات و عدة اصلاحات و العلاجات وحتى قطع اسلحة صحيح ان الموارد كثيرة وقد تسهل عليك اللعبة لكن الاستكشاف باللعبة ممتع حتى الاسلحة لازم تستشكف علشان تطلعها . -الالغاز كثيرة وممتعة اللعبة ما تعطيك الحل مباشرة مثل اغلب الالعاب هنا انت لازم تقرأ الملاحظات و تستكشف المناطق حتى لو رحت منطقة ثانية علشان تحل اللغز . -الميمينتو هي مثل التميمات واللي تعطيك بعض الخوائص تفيدك جدًا مثل تعشيق السريع او تتلقى ضربات اقل وحتى الدمج بأسلحتك اعلى وغيرها الكثير، وتقدر تحصلها بتقدمك بالقصة او انك تستكشف و اذا فيه بعض التجميعات اذا جمعتها تزيد الخانات علشان تأخذ الخصائص اكثر . -التنوع بالاعداء كان ممتاز و اما الزعماء كانوا ممتعين بقتالاتهم . -التنوع بالاسلحة كان ممتاز من اسلحة النارية او اسلحة اليدوية . الخلاصة:- قدمت تجربة رائعة من قصة و التوجة الفني و الالغاز ، اكثر ما عجبني باللعبة انها تشبه ب سايلنت هيل و ريزدنت ايفل ، اما الصعوبة كانت سهل نوعًا ما مع اني حاط صعوبة سرفايفل لكن بالنهاية استمتعت جدًا باللعبة .