Resonance: A Plague Tale Legacy

تقييمي للعبة 8.5/10 الجزء الثالث من الطاعون احد اكثر الالعاب اللي تحمست لها وكنت متخوف من مستوى اللعبة وخصوصا ان الجزئين اللي قبل قدم لي تجربة رائعة لكن هذا الجزء اثبت لي انهم بنفس المستوى الرائع. -القصة واللي كنت متخوف منها جدًا وبعد الرحلة مع قصة صوفيا كانت رحلة رائعة صحيح اني اشوفها اقل من مستوى الجزء الثاني لكن يضل ممتاز ، كان فيه بعض الملاحظات بسيطة واللي كنت اتمنى لو فيه تعمق بسيط بين الشخصيات اكثر وخصوصا شخصية ليني لكن مجملًا القصة رائعة. -التوجة الفني باللعبة رائع جدًا وقدم تصاميم مراحل متعة بصرية، تصميم العالم و الاضاءات والظلال و تصميم الشخصيات و الالوان وحتى تصميم واجهة المستخدم كانوا ممتازين. -الموسيقى باللعبة خورافي واللي اقدر اقول عنه افضل موسيقى سمعتها الى الان في 2026 من قائمة الرئيسية و مابين الحوارات والقتالات و نهاية اللعبة ، اللعبة تطربك من البداية الى النهاية. -الالغاز كانت فيها افكار حلوه وممتعة وقدمت صعوبة متوسطة لا هي اللي راح تعقدك ولا هي اللي تشوفها تافهة كانت فيها تحدي ممتع وتحتاج تفكير بسيط. -القيم بلاي واللي اكثر شيء كنت متحمس له وفعلًا حماسي كان في محله قدم قتال ممتع وبسيط لكن متقن بشكل رهيب نظام الباري موزون وماهي مكسوره وبحكم اني لعبت اللعبة على مستوى الصعب كان فعلًا فيه تحدي والاعداء عدوانين اللعبة فيها شجرة مهارات بسيطة لكنها ايضًا موزون وعلشان تأخذ احد القدرات لازم تستكشف وانت تتقدم بالقصة واللي كان جيد الاستكشاف و واضح وايضًا من ضمن الاستكشاف اللعبة فيه تنوع بين السيوف و الحُلِيّ واللي راح تفيدك بالخصائص الخاص فيهم. -التنوع بالاعداء بالبداية كانوا متكررين نوعًا ما لكن على نهاية اللعبة اصبح فيه تنوع واللي نوعًا ما زعلني لكن ما خرب التجربة. -الايجابيات- •القصة كانت ممتعة •القتالات كان ممتع وسلس •الأوستات كانت خورافية •التوجة الفني رائع - السلبيات - •الزعماء كانوا قليلين •التأخر بالتنوع في الاعداء •تمنيت يكون فيه تعمق ولو شوي بين الشخصيات •بالتشابتر الاخير كان فيها تمطيط شوي الخلاصة:- اللعبة قدمت تجربة رائعة من ناحية القصة، القتالات، الموسيقى، وجمالية التصميم، ومع وجود ملاحظات بسيطة لم تؤثر على متعة اللعب، أثبت هذا الجزء جدارته وعزز ثقتي بالاستديو في تقديم سلسلة و ما راح اتردد بالشراء اذا مستقبلًا نزلوا عنوان جديد